اسلام آباد 17 اکتوبر (اے پي پي) صدر ډاکټر عارف علوي د هېواد برآمدات كښې زياتوالي لپاره متحده عرب امارات سره د جامع اقتصادي شراكتدارۍ لوظنامې ته زر د حتمي شكل وركولو په ضرورت زور رواړولو سره وئيلې دي يو اے اي سره اقتصادي سفارتكارۍ او سرمايه كارۍ لپاره نوې لارې لټول پكار دي، د دواړو هېوادونو ترمېنځه شريك تجارت د موجوده 10.6 بليون ډالرو نه لا زياتېدې شي۔ دا خبرې صدر مملكت متحده عرب امارات لپاره د پاكستان نومولي سفير فېصل نياز ترمذي سره په خبرو كښې وكړې چا چې د ګل په ورځ دوي سره په ايوان صدر كښې ملاقات كولو۔ صدر په دې خبره رڼا واچوله چې د دواړو هېوادونو ترمېنځه د تجديد وړ توان ، تجارت، صنعت، د بنيادي ډھانچې پرمختګ او د مېلمستياﺀ په څانګو كښې پراخه امكانات موجود دي ۔ صدر عارف علوي پاكستان كښې سېلاب ځپليو لپاره په مرسته كولو د يو اے اي د اولس او حكومت مننه وكړه٬ د يو اے اي لخوا د مرستې د سامان 57 پروازونه او دوه بحري بېړۍ پاكستان ته رارسېدلې دي۔ صدر مملکت نومولي سفير ته ووئيل د پاكستان پرېښودونكو لپاره د پاكستان د لوړو زده كړو آن لائن تعليمي ادارو علامه اقبال اوپن يونيورسټي او ورچوئل يونيورسټي سره ډيجيټل روابط پېدا كړئ دغسې چې ډيجيټل صلاحيتونو ښه كولو له مرسته ترلاسه شي او د سكلز ودې لپاره اعلٰې كورسز هم پېل كړے شي چې ورسره د هغوي آمدن لا زياتېدو له مرسته تر ګوتو شي ٬ صدر مملکت نومولي سفير ته امر وكړو چې د هند په ټولنه كښې د اسلامو فوبيا د زياتو شوو پېښو او د هندوتوا د بر لاسي نظريات چې پكښې د اقلتيونو په خاص توګه د مسلمانانو ژوند ته خطر پیښ دے په اړه د يو اے اي مشران خبر كړي
صدر ډاكټر عارف علوي سره يو اے اي لپاره د پاكستان نومولي سفير فېصل نياز ترمذي وليدل
مضمون کا ماخذ : سپرمین: فلم
متعلقہ مضامین
.jpg)
