اسلام آباد 07 جولائي (اے پي پي﴾ د وزيراعظم د سمندر پورې پاكستانيانو خاص مرستيال سيد ذوالفقار عباس بخاري وئيلي دي چې سمندر پورې پاكستانيان دې په هېواد كښې د كاروباري څانګې ډېجيټلائزېشن لپاره حكومت سره خپله تكنيكي مرسته وكړي٬ حكومت د غېر ملكي سرمايه كارې ډاډګېرنې او كاروباري اسانيې باوري كولو لپاره د ډېجيټل رابطو بهترې لپاره يو شمېر اقدامات كړي دي۔ د امريكې په فلورېډا ايالت كښې د آرګنائزېشن آف پاكستاني انټرپرېنيورز﴿او پي اي اېن﴾ ترسيوري لاندې كنفرنس ته د وېنا كولو په مهال د وزيراعظم خاص مرستيال ووئيل چې د پاكستان په بېلا بېلو څانګو كښې د آټومېشن ضرورت دے او د سمندر پورې پاكستانيانو په مرسته حكومت په ټولو څانګو كښې د آټومېشن نوي نظام لپاره اقدامات كوي۔ ده ووئيل چې د سرمايه كارې بورډ د وزيراعظم عمران خان په مشرې كښې د غېر ملكي سرمايه كارې ودې لپاره ګڼ شمېر اقدامات كړي دي او په دې وروستيو كښې د وزيراعظم په دفتر كښې د ون ونډو د اسانيو مركز جوړ كړے شوے دے۔ د وزيراعظم مرستيال به د خپلې دورې په مهال د امريكې په بېلا بېلو رياستونو كښې پاكستانې او نړيوالې كاروباري ټولنې سره ملاقاتونه كوي۔ ده په دې موقع د اپنا لخوا د آرټ نندارتون پرانسته هم وكړه۔ ده په دې موقع د خاص مېلمه په توګه وېنا هم وكړه۔ ده په پاكستان كښې د مذهبي سېلګرې په څانګه كښې د سرمايه كارې ودې لپاره سكهـ ټولنې سره هم ملاقات وكړو۔
د وزيراعظم د سمندر پورې پاكستانيانو خاص مرستيال سيد ذوالفقار عباس بخاري په فلورېډا كښې د او پي اېن تر سيوري لاندې كنفرنس ته وېنا
مضمون کا ماخذ : números da sorte loteria
متعلقہ مضامین
