اسلام آباد 30 جون (اے پی پی)د خزانې وفاقي وزير شوكت ترين وئېلي دي د پي ټي آئي حكومت تل د ضمني بجټ په اړه قانوني لاره اختيار كړې ٬د سپريم كورټ د پريكړې له مخې د ضمني بجټ وړومبے د اي سي سي څخه منظوري اخستلې شي بيا وروستو د دې د كابينې نه منظوري اخلو٬د ښه مالياتي انتظام او انصرام لپاره به په ګډه هڅې كول وي۔د شورو په ورځ په قامي اسمبلۍ كښې په ضمني بجټ د اپوزېشن غړو لخوا د پورته كړو نكاتو ځواب كښې ده ووئيل د اپوزېشن غړو چې كوم نكات پورته كړي د دې جائزه اخستل ضروري ده ٬د آئين آرټيكل 84 له مخې وفاقي حكومت د كنساليډيټډ فنډ څخه ادائېګي كولې شي او دا وروستو د قامي اسمبلۍ څخه د قواعد له مخې منظوري اخستل وي۔په دې كښې د وخت كومه پابندي نه وي۔ده ووئيل سپريم كورټ جې كومه پريكړه كړې د دغې له مخې به د ضمني ګرانټس لپاره د وفاقي كابينې څخه منظوري اخستل وي۔ ده ووئېل حكومت ضمني ګرانټس وړومبے د كابينې د اقتصادي رابطه كمېټۍ څخه منظوروي او بيا د دې د كابينې څخه منظوري وركړې كېږي۔په دې لړ كښې به د قواعد او ضوابط بشپړ خيال ساتلے شي۔د خزانې وفاقي وزير ووئيل ضمني ګرانټس د پي ټي آئي حكومت نه دے شروع كړے٬په كال 13-2012 په مهال د ضمني ګرانټس حجم 1.4 ټريلين روپۍ ؤ٬په كال 2014 كښې 5.7 ټريلين ؤ او په كال 18-2017 كښې دا 600 اربه روپۍ و۔ ده ووئېل كه دا مهال ضمني ګرانټس غلط وي نو په تېر وخت كښې دا څنګه درست ؤ ٬دې ته هم په دې تناظر كښې د كتلو ضرورت دے۔د خزانې وفاقي وزير ووئيل زه ګڼم چې دا روايت ختم شي او مونږ له به په ګډه ښه مالياتي انتظام او انصرام باوري كول وي او دې كښې به ښه والې راوستل وي۔د خزانې وفاقي وزير ووئيل په كال 2021 كښې 260 اربه روپۍ د برېښنا سبسډۍ په مد كښې٬ دغسې پي آئي اے او سوي ايوي اېشن لپاره چې كوم ضمني ګرانټ اخستے شوے په دې كښې 9.8 اربه روپۍ د پي آئي اے رضاكارانه سكيم لپاره بېلې كړې شوي۔25 ارب روپۍ د ويكسين خريدارۍ لپاره اخستلي شوي ٬دغسې مالي كال 20-2019 كښې حكومت د كورونا وائرس وبا معاشي او سماجي اثرات مخ نيوي لپاره 1240 اربه روپۍ د مرستې پېكج اعلان كړے ؤ ۔ ده ووئېل دا د كووېډ 19 په اړه اخراجات وو۔ده ووئيل وزيراعظم عمران خان د كفايت شعارۍ په لاره روان دے٬د كومو 8 اربه روپو ذكر چې شوے دا د غريبو خلكو د بېړني مرستې لپاره وې٬وزيراعظم د دې څخه يوه ټكه هم نه ده اخستې٬دغسې برآمد كوونكو ته د ډي اېل ټي اېل په مد كښې 20 اربه روپۍ او ديامر بهاشا بند لپاره 33 اربه روپۍ جاري كړې شوي۔د خزانې وزير ووئيل مونږ له به خپلې چارې ښه كول وي او د دې لپاره په سنجيدګۍ سره هڅې كول وي۔د بجټ غونډې په مهال د اسمبلۍ ملازمين٬عمله او د معاون ادارو ملازمينو لپاره د اعزازې ذكر كولو سره ده ووئيل د بجټ غونډې په مهال كار كوونكو ملازمينو لپاره د اعزازيې وركولو وزيراعظم ته سفارش شوے ٬د وزيراعظم د منظورۍ نه پس به د دې اعلان كولې شي۔
د پي ټي آئي حكومت تل د ضمني بجټ په اړه قانوني لاره اختيار كړې۔د خزانې وزير شوكت ترين
مضمون کا ماخذ : آن لائن لاٹری ٹکٹ
متعلقہ مضامین
