اسلام آباد 10 جولائي (اے پي پي) د وزيراعظم د قومي سلامتيا سلاكار ډاكټر معيد يوسف وئيلي دي چې په دې وخت كښې په افغانستان كښې د طالبانو اثر و رسوخ دے، دوي جنګي قوت استعمالولو سره مخ په وړاندې ځي، طالبان د حكومت برخې جوړېدو په موډ كښې نه دي، پاكستان هڅه كوي چې افغان قوتونه په ګډه داسې حل راوباسي كوم چې ټولو ته د قبلولو وړ وي، پاكستان د افغانستان د سولې د عمل څخه نه شي جلا كېدې، كه كوم بل څوك سهولت كاري كول غواړي نو مونږ پرې كوم اعتراض نه لرو، كه په افغانستان كښې كورنې جګړه وشوه نو زيان د پاكستان دے، بايد دوحه پراسس لازمي وچلول شي چې دغسې معامله د وينې تويولو په پلو لاړه نه شي. د خالي په ورځ نجي ټي وي چېنل سره په مركه كښې ده ووئل چې افغانستان ته لا د ډېرو پړاٶنو نه تېرېدل دي، امريكې پرېكړه كړې چې د افغانسان نه ځواكونو ويستل دي. ده ووئيل چې د پاكستان مفادات افغانستان سره تړون لري، مونږ دې ته پام كوو چې په افغانستان كښې د تفاهم كومه ذريعه راويستل شي. ده ووئيل چې زمونږ پاليسي دا ده چې په افغانستان كښې داسې حالات پېدا نه شي چې د هغه ځائ څخه كوم كډوال دلته راشي خو كنټرول زمونږ په لاس كښې نه دے، هلته به څه كېږي، د دې پرېكړه به افغان قوتونه په خپله كوي. مونږ په دې وخت كښې نورو كډوالو ته د پناه وركولو ځائ نه لرو.
كه په افغانستان كښې كورنې جګړه وشوه نو زيان د پاكستان دے، بايد دوحه پراسس لازمي وچلول شي چې دغسې معامله د وينې تويولو په پلو لاړه نه شي، طالبان د حكومت برخې جوړېدو په موډ كښې نه دي. د وزيراعظم د قومي سلامتيا سلاكار ډاكټر معيد يوسف
مضمون کا ماخذ : اسکریچ کارڈ کا انعام
متعلقہ مضامین
