اسلام آباد 27 مارچ (اے پي پي) وزيراعظم عمران خان وئيلي دي چې د بهر څخه د خارجه پالېسې متاثر كولو هڅې كولې شي، د هېواد د ګټو به كومه سواد ونه كړې شي، د هېواد په ضد د كېدونكو سازشونو د څو مياشتو نه علم لرم، د ننني دور پاكستان به د چا غلامي قبوله نه كړي، نه مې د چا په وړاندې سر ټيټ كړے او نه به دف قوم سر د چا په وړاندې ټيټېدو ته وركړم، په بهرني فنډنګ د حكومت بدلولو هڅې كولې شي، مونږ ته معلومه ده چې د كوم كوم ځائ نه فشار راځي، د بهرني سازش تفصيلات به په وخت راتللو قوم ته ښائم، د نورو غلامي او سوال كوونكي قومونه پرمختګ نه شي كولې، د قاتل او مقتول يو ځائ كوونكو په باره كښې هم علم لرو، جمهوري ليډر د پټېدو په ځائ اولس ته ځي. د اتوار په ورځ د اسلام آباد په پرېډ ګراٶنډ كښې د امربالمعروف غونډې ته په خپله وېنا كښې وزيراعظم عمران خان ووئيل چې هغه تر ټولو وړاندې د خپل قوم مننه كوي ، د هېواد د ګوټ ګوټ نه خلق دلته راغلي دي. وزيراعظم د غونډې په ځائ كښې موجود د قومي اسمبلۍ غړو ته پېرزوينه وړاندې كړه او وې وئيل چې ده ته معلومه ده چې دې غړو ته كوم لالچونه وركړے شول، د پېسو وركولو هڅې وكړې شوې، د ضمير اخستلو پرېكړې وكړې شوې، زه په خپلو دې غړو فخر كوم. وزيراعظم ووئيل چې نننۍ غونډه د امر بالمعروف تر عنوان لاندې كېږي، بايد پاكستانې قوم ياد وساتي چې زمونږ هېواد د كومې نظرئې له مخې په وجود كښې راغلے و. نظريه پاكستان هغه نظريه وه چې مونږ ته خپل هېواد د مدينې رياست په طرز د اسلامي فلاحي رياست په توګه ودرول دي. وزيراعظم ووئيل چې خلق پوښتنه كوي چې زه د دين خبرې ولې كوم، ځينې وائي چې دين سياست لپاره كاروم. وزيراعظم ووئيل چې 25 كاله وړاندې كله چې ده خپل سياسي ګوند جوړ كړو نو مقصد ئې دا و چې مونږ ته د نظريه پاكستان له مخې د خپل قوم تعمير كول دي. وزيراعظم ووئيل چې تر څو مونږ په خپله نظريه نه وو ودرېدلي، ګڼه ګوڼه خو به يو خو قوم به جوړ نه شو. وزيراعظم ووئيل چې زه ډېر وخت پس په دين پوهه شوم. وزيراعظم ووئيل چې نامتو اسلامي سكالر محمد عبده چې كله په وړومبي ځل اروپا ته لاړو نو يوه مشهوره جمله ئې وئيلې وه چې ده په اروپا كښې مسلمانان ونه ليدل خو اسلام په نظر راغلو ، په مصر كښې مسلمانان په نظر راځي خو اسلام نشته. وزيراعظم ووئيل چې كله زه په لوېديځه ټولنه پوهه شوم نو راته معلومه شوه چې فلاحي رياست څه وي. ده ووئيل چې زمونږ نبي صلی الله عليه وآله وسلم د نړۍ په تاريخ كښې په وړومبي ځل اسلامي فلاحي رياست جوړ كړے و. په سكېنډے نېويا او چين كښې مې هم دا څيز وكتلو چې فلاحي رياست څه وي، چين 70 كروړه خلق د غربت نه بهر كړي دي. وزيراعظم ووئيل چې كومه هم ټولنه د نبي كريم صلی الله عليه وآله وسلم په احكاماتو عمل كوي، په هغې به د بركتونو او رحمتونو نزول كېږي. نبي كريم ﴿ص﴾ چې كله د مدينې فلاحي رياست جوړ كړو نو په دوي رحمتونه راغلل او ډېره زر مسلمانانو د نړۍ مشري وكړه، تر پېړو مسلمانانو د نړۍ مشري وكړه. وزيراعظم د خپل حكومت په كاميابو رڼا اچولو سره ووئيل چې كله پنځه كاله پوره شي نو قوم به وګوري چې د چا په حكومت كښې هم دومره په تندې سره غربت نه دے كم شوے څومره چې زمونږ په دور كښې كم شوے. وزيراعظم ووئيل چې دوي د 30 كلونو څخه د دې هېواد وينه څښكلې ، د دوي آفشور بېنك اكاٶنټ دي. وزيراعظم ووئيل چې ټوله ډرامه دې لپاره كېږي چې د مشرف پشان عمران هم دوي ته اېن آر او وركړي، د دوي د وړومبې ورځې نه دا هڅه ده چې حكومت ختم شي، دوي وائي چې مونږ د الله خاص مخلوق يو ، زمونږ غلا دې معاف كړې شي. وزيراعظم ووئيل چې مشرف په دې قوم ظلم كړے او كرسي بچ كولو لپاره ئې دې غلو ته اېن آر او وركړې او په نتيجه كښې ئې دوي لس كاله دا هېواد لوټ كړے. وزيراعظم ووئيل چې دوي څه غواړي هغه دې وكړي، كه حكومت ځي، لاړ دې شي، كه ژوند مې ځي لاړ دې شي، خو دوي به كله هم مفاف نه كړم. زمونږ نبي ﴿ص﴾ د قانون بالادستي جوړه كړې وه. وزيراعطم ووئيل چې د مدينې په فلاحي رياست كښې اقليتونه هم برابر وګړي منلې شول او دوي سره برابر انصاف شوے. ده ووئيل چې نبي ﴿ص﴾ كركه خپرولو لپاره نه بلكې د انسانانو يو ځائ كولو لپاره راغلے و او اقليتونو ته ئې د برابرې موقعې وركړې.
د بهر څخه د خارجه پالېسې متاثر كولو هڅې كولې شي، د هېواد د ګټو به كومه سواد ونه كړې شي، د هېواد په ضد د كېدونكو سازشونو د څو مياشتو نه علم لرم، د ننني دور پاكستان به د چا غلامي قبوله نه كړي. د وزيراعظم عمران خان د امر بالمعروف غونډې ته وېنا
مضمون کا ماخذ : prêmios lotofácil
متعلقہ مضامین
