اسلام آباد ۔ يكم جولائي (اے پی پی) د اطلاعاتو او خپرونو وفاقي وزير پروېز رشيد وئيلي دي د 21 جولائي لمر به آزاد كشمير كښې د مسلم ليګ (ن) د كاميابۍ او د كشمير آزادۍ پېغام راوړلو سره راخېژي۔ آزاد كشمير كښې به د پرمختګ نوے دور پېل شي۔ آزاد كشمير كښې به د تعليم ٬ روغتيا او انفراسټركچر څانګه پرمختګ وكړي۔ آزاد كشمير كښې سړكونو جوړولو له 50 ارب روپۍ اېښودلې شوي دي۔ هېلي كاپټر اېبمولينس سروس به وركوؤ۔ د دې خيالاتو څرګندوه وفاقي وزير د جمعې په ورځ د آزاد كشمير مسلم ليګ (ن) كارمندانو په درناوي كښې راجوړې كړې شوې د افطار ډنر دستورې ته خطاب كښې وكړه۔ وفاقي وزير ووئيل د تېرو 5 كلونو په مهال وفاقي حكومت كشمير كښې پرمختيائي كارونو له 300 ارب روپۍ وركړې وې۔ كومې چې د هرې ضلعې په سر 30 ارب روپۍ جوړېږي۔ كه په ډډيال كښې په پرمختيائي كارونو 5 ارب روپۍ لګولې شوې وې نو د دې ځائې د اولس د ژوند معيار به ډېر غوره شوې ؤ۔ ده ووئيل مونږ د آزاد كشمير وزيراعظم چوهدري عبد المجيد او د دغې سيمې د وزيرانو څخه پوښتنه كوؤ چې د كشمير پرمختګ لپاره 300 ارب روپۍ چرته لګولې شوي دي۔ دا پېسه د چا جېب ته تلې ده۔ وفاقي وزير ووئيل مسلم ليګ (ن) په خپل كرڼلار كښې آزاد كشمير كښې د سړكونو جوړولو له 50 ارب روپۍ اېښودلې دي۔ هر كال به د 10 اربه روپو سړكونه جوړولې شي۔ چي ټي روډ څخه تر ډډيال به پوخ سړك جوړولې شي۔ ده ووئيل رنځورانو ته اسانۍ وركولو له د ايئر اېمبولېنس سروس پېل كول زمونږ د كرڼلار برخه ده۔ چورلكې به 24 ساعته چمتو وي او د كوم هم بېړني حالت په مهال به دا ځان ځائې ته رسوي۔ ده ووئيل مونږ به كشميري اولس له ماډل آزاد كشمير جوړوؤ۔ بهر هېوادونو كښې مېشته او د كنټرول لائن څخه پورې غاړه كشميريان به وياړ كوي چې آزاد كشمير ته د نوې سيمو په ډول اسانۍ ترلاسه دي۔ ښه پوهنتونونه او كالجونه به جوړ كړو۔ كله چې زمري ته ووټ وركړې شي نو د پرمختګ او سوكالۍ دور به پېل شي۔ده ووئيل هېواد كښې د ترهه ګرۍ او توان بحران كښې كمې راغلې۔ څنګه پرمختيائي كارونه مو چې پاكستان كښې كړي دي آزاد كشمير كښې به كولې شي۔
د 21 جولائي لمر به آزاد كشمير كښې د مسلم ليګ (ن) د كاميابۍ او د كشمير آزادۍ پېغام راوړلو سره راخېژي
مضمون کا ماخذ : como apostar na loteria
متعلقہ مضامین
