اسلام آباد 01 ستمبر (اے پي پي) پاكستان د هند په غير قانوني توګه قبضه كړي جمو او كشمير كښې د بشري حقونو په خراب صورتحال د تشويش څرګندونه كړې چرته چې د هند قابضو عسكرو د يو 23 كلن انجينئرنګ طالبعلم پشمول نور 6 كشميري ځوانان بارهموله او شوپياں سيمو كښې په جعلي مقابلو كښې شهيدان كړي۔د خارجه دفتر وياند عاصم افتخار احمد د زيارت په ورځ پرېس بريفنګ كښې نوموړي كشميري حريت رهنما سيد علي ګيلاني ته په وړمبۍ برسۍ د عقيدت پيرزوئنې وړاندې كولو سره ووئيل هغه د همت او حوصلې او د خپلواكۍ حق ترلاسه كولو لپاره د كشميريانو د هلو ځلو مخ ؤ د كوم حق چې هغوي له د ملګرو ملتونو سلامتي كونسل د ګڼو قراردادونو د لارې وركړے شوے۔ سيد علي ګيلاني ته په هلو ځلو د ”بابائے حريت“نامه وركړې شوې ،هغه تير كال په 01 ستمبر د هند غير قانوني حراست كښې شهيد شوے ؤ۔د خارجه دفتر وياند ووئيل په اسلام آباد كښې مېشته د هند ناظم الامور د زيارت په ورځ خارجه دفتر ته رابللے شوے ؤ او د سيد علي ګيلاني د خپل وصيت او كورنۍ خواهشات له مخې خاورو ته د نه سپارلو د هند په پرله پسې بې حسۍ ورته سخت احتجاج رېكارډ شوے ۔وياند ووئيل د هند ناظم الامور ته د هند حكومت په پرله پسې هټ دھرمي پاكستان د افسوس څرګندونه كرې ٬ځكه چې هند د سيد علي ګيلاني مړے د هغه وصيت له مخې د ”شهيدانو په اديره كښې “په عزت سره خاور ته د سپارلو څخه انكار كړے ؤ۔
پاكستان د نوموړي كشميري حريت رهنما سيد علي ګيلاني ته په وړومبۍ برسۍ د عقيدت پيرزوئنې وړاندې كړې
مضمون کا ماخذ : سامراا سپلٹ
متعلقہ مضامین
